Abaı oblysynyń ońtústiginde órt qaýpi saqtalýda
Óńirdegi Besqaraǵaı, Abaı, Úrjar, Jarma aýdandary men Kýrchatov qalasynyń mańynda qurǵaq shóp tutanǵan. Kóp jerde qyzyl jalyn oblystyń TJD, Qorǵanys mınısterligi qyzmetkerleriniń, shekara qyzmeti, jerkilikti atqarý organdary mamandarynyń kúshimen sóndirildi. Qazirgi sátte Úrjar jáne Aıagóz aýdandarynda tilsiz jaýǵa tosqaýyl qoıylyp jatyr.
«Keı aımaqtardaǵy erekshe ystyqqa baılanysty, orman órtengenin esterińizge salamyz. Abaı aýdanyndaǵy jekelegen órt oshaqtary jeldiń qýatymen ulǵaıyp ketken. Bul óz kezeginde órt sóndirý qyzmetiniń jumysyn aýyrlatyp otyr.
Sonymen qatar, 6 qyrkúıek kúni órt qaýipine baılanysty Abaı oblysy men Semeı qalasynyń turǵyndaryna «Semeı ormany» tabıǵı orman rezervatyna barýǵa tıym salynǵan bolatyn. Oblys turǵyndaryn órt qaýipsizdigi erejelerin saqtaýǵa jáne orman alqabyna shyqpaýǵa shaqyramyz», - dep jazdy vedomstvodan.
Órtke qarsy qyzmettiń barlyq qyzmetkerlerine, osy kúnderi órtpen kúresýge kómektesken barlyq qamqor azamattarǵa alǵys bildiremiz.
