Abaı oblysynyń oqýshylary aqyldy jylyjaı jasap shyǵardy

SEMEI. QazAqparat - 10-11 synypta oqıtyn jas ónertapqyshtar jylyjaıdy avtomattandyrýdy usyndy. Oqýshylar usynǵan joba jylyjaıda ósiriletin kókónis pen jemis-jıdekti sýarý tehnologııasyn jeńildetedi, dep habarlaıdy QazAqparat.

Olar zamanaýı tehnolgııany paıdalana otyryp, topyraq pen aýa ylǵalyn, jylyjaıdaǵy aýa temperatýrasyn baqylaý jáne topyraqty qajetine qaraı sýarýdy avtomattandyrýdyń jolyn tapty.

Oqý-aǵartý mınıstrliginiń málimetinshe, joba Arduino tsıfrlyq baǵdarlamasymen jasalǵan «aqyldy jylyjaı» veb-ınterfeısi arqyly basqarylady.

Jas ónertapqyshtar komandasynyń aıtýynsha, bul sharýalarǵa sý men elektr energııasyn únemdep qana qoımaı, jyldyń kez kelgen mezgilinde aýanyń qolaısyzdyǵyna qaramastan jaqsy ónim alýǵa múmkindik beredi.

Oqýshylardyń mundaı tehnologııalyq tásildi oılap tabýyna óńirdegi jaz mezgiliniń qysqalyǵy men aýa temperatýrasynyń salqyndyǵy sebep bolǵan.