Abaı oblysynyń qurylýy turǵyndardyń ál-aýqatyn arttyrýǵa yqpal etedi - Prezıdent
Memleket basshysy Abaı oblysynyń jurtshylyǵymen kezdesý barysynda halyqtyń qalaýymen osy aımaqta jeke oblys qurý týraly sheshim qabyldaǵanyn eske aldy, dep habarlaıdy QazAqparat.
«Men bıyl halyqtyń qalaýyn eskere otyryp, osy aımaqta jeke oblys qurý týraly sheshim qabyldadym.
Atalǵan qadam óńirdiń áleýmettik-ekonomıkalyq máselelerin jedel sheship, turǵyndardyń ál-aýqatyn arttyrýǵa yqpal etedi. Investıtsııanyń kelýine, ónerkásip pen jumys oryndarynyń ashylýyna, shaǵyn jáne orta bıznestiń damýyna jaǵdaı jasaıdy. Aımaqty respýblıkalyq bıýdjetten tikeleı qarjylandyrý júıesi júzege asady», - dedi Prezıdent Qasym-Jomart Toqaev.
Onyń paıymynsha, bul sheshim – shyn máninde, tarıhı ádildiktiń saltanat qurýy.
«Biz jańadan qurylǵan oblysty ulttyń uly tulǵasyna degen erekshe qurmet belgisi retinde Abaı dep atadyq», - dedi sodan soń Memleket basshysy.
Foto: yvision.kz
