Abaı oblysynyń qurylǵanyna bir jyl toldy

SEMEI. QazAqparat - Abaı oblysynyń qurylýyna bir jyl tolýyna oraı Semeıdegi Arbatta qolónershiler, sheberler men sýretshiler alańy ashyldy, dep habarlaıdy QazAqparat.

Oblys ákimi Nurlan Uranhaev qolónershilerdi qoldap, olarǵa óńirdiń shyǵarmashylyq áleýetin damytýǵa qosqan úlesi úshin alǵys aıtty.

Atalǵan shara qolónershiler men sýretshilerdiń eńbegin baǵalaýǵa, qazaq halyq orkestrin nasıhattaýǵa múmkindik beredi.

Qala turǵyndary men qonaqtarynyń serýendeýine qolaıly jaǵdaı jasalǵan.

Shyǵarmashylyq alańnyń ashylý saltanatynda babadan qalǵan ánderdi qaz qalpynda naqyshyna keltirip oryndaıtyn «Bıbigúl» qazaq halyq aspaptar orkestri merekelik baǵdarlama usyndy.

Ata-babamyzdan qalǵan jáne jańa ádispen jasalatyn qolóner buıymdaryn jasaý boıynsha sheberlik sabaq ótkizildi.

Sheberlerdiń bir-birimen tájirıbe almasýyna da múmkindik paıda boldy.

Nurlan Uranhaev sýretshiler men qolónershiler kórmesi aıasynda olarǵa qoldaý bildire otyryp jergilikti sýretshi, QR Sýretshiler odaǵynyń múshesi Farıd Hasenovtyń týyndysyn jáne Abaıdyń portretin satyp aldy.

Kórme jaz boıy jumys isteıdi.