Abaı oblysynyń 6 aýylynda shaǵyn mektepter salynady

SEMEI. QazAqparat – Abaı oblysyndaǵy aýyldarda alty shaǵyn mektep boı kóteredi, dep habarlaıdy QazAqparat tilshisi.

«Oblystyń áleýmettik-ekonomıkalyq damýynyń keshendi josparyna 510 oqýshyǵa arnalǵan 6 shaǵyn mektep salý engizildi. Úrjar aýdanyndaǵy Malaq aýylynda – 100 jáne Saǵat aýylynda – 80 oryndyq, Jarma aýdanyndaǵy Novotaýbınka jáne Kenterlaý aýyldarynda árqaısysy 100 oryndyq eki mektep ashylady. Al, Besqaraǵaı aýdany Belokamenka aýylynda 50 oryndyq jáne Aqsýat aýdany Kókterek aýylynda 80 oryndyq mekteptiń qurylysy júrgiziledi», - delingen aqparatta.

Qazir Abaı oblysynyń qurylys, sáýlet jáne qala qurylysy basqarmasy jobalyq-smetalyq qujattamany ázirlep jatyr.