Abaı oblysyndaǵy tasjolda aýdarylyp túsken kólik júrgizýshisi kóz jumdy

SEMEI. QazAqparat – Abaı oblysyndaǵy «Semeı-Qaınar» tasjolynda aýdarylyp túsken kólik júrgizýshisi kóz jumdy, dep habarlaıdy QazAqparat tilshisi.

Abaı oblystyq Polıtsııa departamenti baspasóz qyzmetiniń málimetine súıensek, jol-kólik oqıǵasy «Semeı-Qaınar» tasjolynyń 41 shaqyrymynda bolǵan.

«Chevrolet» markaly avtokóliktiń 46 jastaǵy júrgizýshisi rýlge ıe bola almaı qalǵan. Sonyń saldarynan kólik aýdarylyp tústi. Júrgizýshi sol jerde qaza boldy», - dep habarlady vedomstvo ókilderi.

Qazirgi ýaqytta oqıǵanyń barlyq mán-jaıy anyqtalýda. QR QK 345-baby 3-bóligine (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket) sáıkes sotqa deıingi tergeý amaldary bastaldy. QR QK-niń 201-baby 1-bóligi boıynsha sotqa deıingi tergep-tekserýdiń ózge derekteri jarııa etilýge jatpaıdy.