Abaı oblysyndaǵy Shoshqaly kólinde balshyqpen emdeıtin shıpajaı salynbaq
Abaı oblysy ákimdiginiń málimetine súıensek, Besqaraǵaı aýdanyndaǵy qaraǵaıly ormanmen qorshalǵan Shoshqaly tuzdykóliniń týrıstik áleýeti joǵary.
«Shıpaly kól Besqaraǵaı aýdanynyń soltústik-batys bóliginde, aýdan ortalyǵynan 85 shaqyrym jerde «Semeı Ormany» rezervatynyń aýmaǵynda ornalasqan. Óziniń emdik qasıetterimen tanymal kól bir-birine jaqyn ornalasqan shaǵyn sý qoımalarynan turady. Sý qoımalarynyń barlyǵy tuzdy bolǵanymen olardyń quramyndaǵy tuz kórsetkishi ártúrli. Bul toǵandar emdik balshyqqa da baı», - delingen aqparatta.
«Semeı Ormany» rezervaty demalýshylarǵa jaǵdaı jasaý maqsatynda kól jaǵasynda jaǵajaıǵa qum tósep, kıim aýystyrýǵa arnalǵan kabınkalar, jatar oryndar, kúnnen qorǵaıtyn nysandar ornatty. Sondaı-aq voleıbol alańy, jabdyqtalǵan as ázirleý aımaǵy, úsh qoqys konteıneri qoıyldy. Kól jaǵasynda 12 tósek-orynǵa arnalǵan shaǵyn qonaq úı bar.
«Jyl saıyn kólge jaqyn oblystardan myńnan astam adam keledi. Semeı qalasynan demalys kúnderi arnaıy týrlar uıymdastyrylady. Týr aıasynda qala jáne basqa aýdandardyń turǵyndary kólge avtobýstarmen bara alady. 2024-2025 jyldary «Shoshqaly» kólinde balshyqpen emdeıtin jáne demalys aımaǵy bar shıpajaı salý josparlanǵan», - delingen habarlamada.
