Abaı oblysyndaǵy órtpen kúreske Qyzylorda oblysynan taǵy 1 tikushaq jiberiletin boldy

ASTANA. QazAqparat – QR Tótenshe jaǵdaılar mınıstri Abaı oblysyndaǵy órtpen kúreske Almaty qalasynan, Almaty, Jetisý jáne Qaraǵandy oblystarynan qosymsha kúshter men quraldar bóldi, dep habarlaıdy QazAqparat.

QR Tótenshe jaǵdaılar mınıstrligi baspasóz qyzmetiniń habarlaýynsha, Qyzylorda oblysynan 1 tikushaq jiberiletin bolady.

Qazirgi ýaqytta órtti sóndirýge TJM, Orman sharýashylyǵy komıtetinen, JAO jáne Qorǵanys mınıstrliginen 800-ge jýyq adam, shamamen 200-tehnıka jumyldyrylǵan.

«8 tikushaq tartyldy. Órt oshaqtaryna áýeden 99 ret jalpy kólemi 275,5 tonna sý tógildi»,-delingen habarlamada.

Osyǵan deıin Abaı oblysyndaǵy órtke baılanysty Qasym-Jomart Toqaevtyń Vetnamǵa resmı sapary keıinge shegerilgeni habarlandy.

Sondaı-aq, Memleket basshysy Abaı oblysyndaǵy órtepn kúreske qolda bar barlyq resýrstardy qoldanýdy tapsyrdy.