Abaı oblysyndaǵy mektepterge 7 myńnan astam kamera ornatyldy
Abaı oblystyq bilim basqarmasynyń málimetine súıensek, óńir boıynsha mektepterge 7 280 beınebaqylaý kamerasy ornatyldy.
«Bilim berý mekemelerinde balalardyń qaýipsizdigin qamtamasyz etý jumystary júıeli túrde júrgizilýde. 157 mektepke deıingi bilim berý uıymynda 1 259 kamera bar. Biraq olardyń ishindegi 813 danasy (76%) aýystyrýdy talap etedi, - deıdi basqarma basshysy Nurjan Ahmetqalıev.
Sondaı-aq 24 qosymsha bilim berý mekemesinde 223 beınebaqylaý kamerasy jumys istep tur. Osy mekemelerdiń barlyǵynda dabyl júıesi ornatylǵan.
«BǴM buıryǵyna sáıkes oqýshylar sany 700-den asatyn bilim berý uıymdarynda jáne oblys ortalyǵynda ornalasqan mektepterde týrnıketter ornatylýy tıis. Abaı oblysy boıynsha osy sanatqa bilim berý uıymynyń 61 nysany jatady. Týrnıkettermen qamtamasyz etý kórsetkishi 93,4% quraıdy», - deıdi Nurjan Ahmetqalıev.
