Abaı oblysyndaǵy eki aýyldyń mańynda qurǵaq shóp órtendi

SEMEI. QazAqparat - «Semeı Ormany» MOTR Begen fılıalynyń operatorynan órtke qarsy qyzmetine Ramazan jáne Óndiris aýyldarynyń arasynda qurǵaq shóp órtenip jatqany týraly habarlama tústi, dep jazdy QazAqparat.

Oqıǵa ornyna dereý JAO, «Semeı Ormany» MOTR jáne Abaı oblysy TJD kúshteri men quraldary jiberildi.

«Mamandar kelgennen keıin ashyq aýmaqta 12 gektar qurǵaq shóp órtenip jatqany anyqtaldy.

Eldi mekenderge qaýip joq.

Kúshter men quraldardyń jedel den qoıýynyń arqasynda órt oqshaýlanyp, qysqa merzimde sóndirildi», - dep málimdedi TJM-nan.

Órtti sóndirýge barlyǵy 16 adam jáne 6 tehnıka jumyldyryldy.

Abaı oblysy TJD azamattardy órt qaýipsizdigi erejelerin saqtaýǵa shaqyrady.