Abaı oblysyndaǵy «Aıagóz-Úrjar» tasjolynan 60 adam evakýatsııalandy

ÓSKEMEN. QazAqparat – Abaı oblysyndaǵy «Aıagóz-Úrjar» tasjolynyń 40 shaqyrymynda jolda qalǵan 60 adam evakýatsııalandy, dep habarlaıdy QazAqparat tilshisi.

Oblystyq nótenshe jaǵdaılar departamentiniń málimetine súıensek, «112» qyzmetine Aıagóz aýdanyndaǵy «Aıagóz-Úrjar» tasjolynyń 40 shaqyrymynda jolda qalǵan azamattardan habar tústi.

Sol jerde 60 adam bolǵan.

«№13 órt sóndirý bóliminen 4 adam «Vahta» ótimdiligi joǵary tehnıkamen dereý oqıǵa ornyna kelip jetti. Sondaı-aq 10810 áskerı bóliminiń áskerı qyzmetshileri de jolǵa shyqty. Jolda qalǵandardyń barlyǵy qaýipsiz jerge kóshirildi», - delingen aqparatta.

Sondaı-aq Úrjar aýdany TJB qyzmetkerleri qar qursaýynda qalǵan 10 kólikti «Almaty-Óskemen» tasjolynyń 92 shaqyrymyna shyǵardy.

Eske salsaq, keshe Abaı oblysynda jolda qalǵan 65 adam qaýipsiz jerge kóshirilgeni habarlanǵan.