Abaı oblysyndaǵy alapat órt: Borodýlıhada eki evakýatsııa pýnkti daıyndaldy
«Saǵat 18:00-den bastap Borodýlıhadaǵy Ostrovskıı atyndaǵy mektep pen kolledj ǵımarattarynda eki evakýatsııa pýnkti uıymdastyryldy. Bul ortalyqtarǵa 350 adamǵa deıin sııady. Qoǵamdyq tártipti saqtaý maqsatynda aýdandyq polıtsııa bóliminiń 43 qyzmetkeri men 13 arnaıy tehnıkasy jiberildi», - delingen Abaı oblysy ákimdiginiń Telegram arnasynda jarııalanǵan habarlamada.
Sonymen qatar órttiń taralýyna jol bermeý úshin orman aımaǵyna irgeles ornalasqan Táýelsizdik, Pıonerskaıa kósheleri men ıÝjnyı shaǵynaýdany aýmaǵyndaǵy jer jyrtylǵan.
«Órt sóndirýge túrli vedomstvolardyń 786 qyzmetkeri, 187 tehnıkasy men 9 tikushaq jumyldyryldy. Búgin tańerteń saǵat 5:35-ten bastap tikushaqtardan 93 ret jalpy kólemi 263,5 tonna bolatyn sý tógildi», - dep málim etti ákimdikten.
TJM basshylyǵynyń buıryǵymen órtpen kúresý úshin qosymsha kúshter jiberildi:
- ShQO TJD – 15 adam jáne 5 tehnıka, 5:40-ta keldi.
- Qaraǵandy oblystyq TJD – 29 adam jáne 6 tehnıka, 17:40-ta shyǵyp, Borodýlıhaǵa 11:00-de keldi.
- Astana TJD – 68 adam jáne 12 tehnıka, 17:55-te shyǵyp, Kashtak ormanyna 10:35-te keldi.
- Astana TJD – 21 adam jáne 5 tehnıka, 21:48-de shyǵyp, Semeı qalasyna 9:20-da jetti, 10:52-de Borodýlıhaǵa qaraı bet aldy.
Sonymen qatar mınıstr ıÝrıı Ilın Almaty, Jetisý jáne Qyzylorda oblystarynan qosymsha kúshter men quraldar jiberýdi tapsyrǵan.
«Jaǵdaı kúrdelene túsken kezeńge arnap Semeı qalasynda jaǵdaıda 5 órt sóndirý avtotsısternasy, 1 vahtadan turatyn qosymsha kolonna daıyndaldy. Astana, Boraldaı, Qyzylorda qalalarynan qosymsha Mı-8 tikushaqtaryn jáne Kókshetaýdan Eurocopter EC145 kóp maqsatty tikushaǵyn órt ornyna jiberý josparlanýda», - delingen ákimdik habarlamasynda.
Eske salaıyq, 8 maýsym kúni «Semeı» ormany rezervatynda órt shyqqan bolatyn. Abaı oblysy ákiminiń orynbasary Dımıtrıı Garıkovtyń aıtýynsha, órt 2 ret túsken naızaǵaıdan tutanǵan.
Osyǵan baılanysty búgin Semeı qalasynda jergilikti aýqymda tabıǵı sıpattaǵy tótenshe jaǵdaı rejımi jarııalandy.
Sonymen qatar budan buryn habarlaǵanymyzdaı, orman órtin sóndirýge jumyldyrylǵan 14 mamanmen baılanys úzildi. Keıin 3 qyzmetkerdiń qaza tapqany belgili boldy.
Birer saǵat buryn Memleket basshysy Qasym-Jomart Toqaev Tótenshe jaǵdaılar mınıstri ıÝrıı Ilınge oqıǵa ornyna jedel baryp, órt sóndirý jumystaryn basqarý mindetin júktep, kóz jumǵan orman sharýashylyǵy qyzmetkerleriniń otbasylaryna qajetti kómek kórsetýdi tapsyrdy.
