Abaı oblysynda jyl basynan beri 35 kólik órtenip ketti

SEMEI. QazAqparat – Abaı oblysynda bıyl 35 kólik otqa oranǵan, dep habarlaıdy QazAqparat tilshisi.

Oblystyq Tótenshe jaǵdaılar departamenti baspasóz qyzmetiniń málimetine súıensek, Abaı oblysynda jyl basynan beri 35 kólik órtendi. Sońǵy órt keshe Semeı qalasynda bolǵan.

«2014 jylǵy Chevrolet Sruze markaly avtokóliginde ýaqytsha toqtap turǵan kezde ot shyqqan. Qyzyl jalyn qozǵaltqysh bóliginiń janǵysh bólshekterin, aspaptar panelin, salonnyń ishki qaptamasyn sharpydy. Sondaı-aq 4 sharshy metr aýmaqta jeke zattar janyp ketken. Oqıǵa ornyna shuǵyl jetken órt sóndirýshiler tilsiz jaýdy tolyqtaı aýyzdyqtady», - delingen aqparatta.

Aldyn ala málimet boıynsha órttiń shyǵý sebebi – qaýiptiligi joǵary agregatpen abaısyz jumys atqarýdan bolýy múmkin.

Osy rette, departament mamandary óńir jurtshylyǵyna avtokólikte órt qaýipsizdigi erejelerin saqtaý qajettigi týraly eskertti.