Abaı oblysynda jumyssyzdar sany qansha

SEMEI. QazAqparat – Ortalyq kommýnıkatsııalar qyzmetiniń kóshpeli brıfıngisinde Abaı oblysynyń ákimi Nurlan Uranhaev óńirdegi jumyssyzdyq máselesine toqtaldy, dep habarlaıdy QazAqparat tilshisi.

«Aýylda densaýlyq saqtaýdy jańǵyrtý» ulttyq jobasyn iske asyrý aıasynda 2025 jylǵa deıin oblys boıynsha 10,8 mlrd teńgege 65 alǵashqy medıtsınalyq-sanıtarlyq kómek nysandarynyń qurylysy josparlanǵan. Onyń ishinde 57 nysannyń qurylysyn bıyl bastaý josparlanyp otyr. Oblysty damytýdyń keshendi josparyna Semeı qalasynda 100,4 mlrd teńgege 5 medıtsınalyq nysannyń qurylysy engizilgen», - dedi aımaq basshysy.

Ákimniń sózine qaraǵanda, 2022 jyldyń qorytyndysy boıynsha óńirdegi jumyssyzdyq deńgeıi 5% bolǵan, 15 077 jumyssyz adam bar.

«Jumyssyzdyq deńgeıin tómendetý úshin ekonomıkanyń túrli salalarynda jańa jumys oryndaryn qurý sharalary qabyldanyp jatyr. Halyq tabysyn arttyrýdyń 2030 jylǵa deıingi óńirlik baǵdarlamasy qabyldandy. Baǵdarlama ulttyq jobalarmen ózara baılanysty. Sonymen qatar baǵdarlamada 3 negizgi baǵyt anyqtaldy.

Jastardyń kásipkerlik bastamalary úshin 2,5% ústememen shaǵyn nesıeler berý boıynsha jumys bastaldy. Jańa bıznes-ıdeıalardy iske asyrý úshin jas kásipkerlerge memlekettik granttar berýge 100 mln teńge kózdelgen.

Shaǵyn jáne orta bızneske qoljetimdilikti keńeıtý sheńberinde bıyl kredıtterdiń paıyzdyq mólsherlemesin sýbsıdııalaýǵa – 500 mln teńge, shaǵyn jáne orta bızneske ishinara kepildik berýge 100 mln teńge bólinedi» - dedi oblys ákimi.