Abaı oblysynda jolda qalǵan 20-dan astam sportshy evakýatsııalandy
SEMEI. QazAqparat – Abaı oblysynda jolda qalǵan 20-ǵa jýyq sportshy, onyń ishinde 12 bala evakýatsııalandy, dep habarlaıdy QazAqparat tilshisi.
Oblystyq tótenshe jaǵdaılar departamenti baspasóz qyzmetiniń málimetine súıensek, jarysqa bara jatqan sportshylarǵa qutqarýshylar kómegi qajet boldy.
«12 qańtarda saǵat 22:39-da «112» qyzmetine «Óskemen-Almaty» tasjolynyń 25-shaqyrymynda, naqty aıtqanda Aıagóz aýdanynyń irgesinde sportshylar otyrǵan «Gazel» markaly avtokólik synyp qalǵany týraly habar berildi. Kólikte 20-dan astam sportshy boldy. Oqıǵa ornyna №13 órt sóndirý bóliminiń qyzmetkerleri ótimdiligi joǵary «VAHTA» tehnıkasymen jetti. Barlyǵy 22 adam, onyń ishinde 12 bala qaýipsiz jerge kóshirildi», - delingen aqparatta.
Olarǵa medıtsınalyq kómek qajet bolǵan joq. Qutqarýshylar sportshylardy Aıagóz qalasyndaǵy balalar men jasóspirimderdiń sport mektebine ornalastyrdy.
Foto - Abaı oblystyq TJD
