Abaı oblysynda jemqorlyq qaýpi qaı salalarda basym
Abaı oblysy ákimdiginiń málimetine súıensek, óńirde sybaılas jemqorlyqtyń táýekel kartasy jasaldy. Bul Qazaqstan Respýblıkasynyń 2022-2026 jyldarǵa arnalǵan sybaılas jemqorlyqqa qarsy saıasatynyń tujyrymdamasy sheńberinde júzege asyrylýda.
Atalǵan tujyrymdama aıasynda jemqorlyqtyń alǵysharttaryn joıý jáne onyń deńgeıin tómendetý boıynsha keshendi jumystar júrgizilmek. Sybaılas jemqorlyqqa qarsy kúrestiń jańa tetikterin ázirleý de kózdelýde.
«Sybaılas jemqorlyq táýekelderiniń kartasyna Abaı oblysy boıynsha ekologııa, jer, kólik, ınfraqurylym salalary engizilgen. ıAǵnı, jańa óńir qurylǵan kezde paıda bolatyn táýekelder eskerilip otyr. Jańa oblys úshin jemqorlyq áreketterdiń aldyn alý, táýekelderge taldaý jasaý, sybaılas jemqorlyqtyń qaı salada bolmasyn etek jaıýyna jol bermeý – basty mindet», - dedi QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Dmıtrıı Malahov.
