Abaı oblysynda jeke kásibin bastaǵysy keletin kópbalaly otbasylarǵa 70 grant beriledi
Abaı oblysy ákimdiginiń málimetine súıensek, óńirde kásipkerlerge memleket tarapynan jan-jaqty qoldaý kórsetilip jatyr. Onyń ishinde kásipkerlikti damytýdyń ulttyq jobasyn iske asyrý aıasynda halyqtyń áleýmettik osal sanatyna jatatyndardyń kásipkerlik bastamalaryn qoldaýǵa 400 AEK-ke deıingi óteýsiz grant beriledi.
Osy jyly 204 grant berý josparlansa, búginde onyń 128-i berildi. Jańa ótinimder 11-22 qyrkúıek aralyǵynda qabyldanady.
«Jalpy bıyl kópbalaly otbasylarǵa – 70, múgedektigi bar azamattarǵa – 22, múmkindigi shekteýli bala tárbıelep otyrǵan otbasylarǵa – 20, AÁK alýshylarǵa – 7, asyraýshysynan aıyrylǵandarǵa – 7, ishki kóshi-qonmen kelgenderge 2 grant beriledi. Grant alýǵa jumyssyzdar jáne kem degende tirkeý merzimi úsh jyl bolǵan jeke kásipkerler ótinish bere alady. Bul rette, ótinish berýshi áleýmettik osal top sanatynyń birine jatýy jáne onyń úsh jyldan aspaıtyn merzimde «Bastaý Bıznes» jobasy aıasynda kásipkerlik negizderinen oqýdan ótkeni týraly sertıfıkaty bolýy tıis», - delingen aqparatta.
