Abaı oblysynda jaz shyqqaly 12 adam sýǵa ketti
Oblystyq TJD azamattyq qorǵanys basqarmasynyń bastyǵy Rýslan Orynbekov aqparat ortalyǵynda ótken baspasóz máslıhaty barysynda bıylǵy sýǵa shomylý maýsymy qalaı ótip jatqanyn aıtyp berdi.
«Jaz shyqqaly beri Abaı oblysynda sýdaǵy qaýipsizdik sharalaryn saqtamaǵan 18 adam batyp ketti. Onyń ishinde 3 bala bar. Al Shyǵys Qazaqstanda 6 adam sýǵa batqan. Eki oblysta qutqarylǵan adam sany – 11-di quraıdy», - dedi ol.
Abaı men Shyǵys Qazaqstan oblystarynda sý jaǵalaýynda ornalasqan 57 demalys bazasy bar. (ShQO - 49, Abaı oblysy - 8). Barlyq bazalarda sýdyń túbin tekserý jáne tazalaý jumystary júrgizilgen. Adamdardyń qaýipsizdigin qamtamasyz etý boıynsha ózara yntymaqtastyq týraly memorandýmdar jasalyp, 6 kommýnaldyq jaǵajaı quryldy.
TJD mamandary 98 qoǵamdyq qutqarýshyny oqytyp, daıyndady. Jaǵalaýlarǵa 343 tyıym salý belgisi ornatyldy.
Demalys oryndarynda zań buzýshylyq jasaǵan 770 adam ákimshilik jaýapkershilikke tartylǵan. Onyń ishinde QR ÁQBtK-niń 364-baby (ortaq sý paıdalaný erejelerin buzý) - 221 adam, 440-baby (alkogoldik ishimdikter ishý nemese qoǵamdyq oryndarda mas kúıde bolý) - 531 azamat, 582-baby (kemelerdi paıdalaný erejelerin buzý) boıynsha - 17 adam jazalandy.
