Abaı oblysynda jaǵalaýda qaraýsyz qalǵan jasóspirim sýǵa batyp ketti

SEMEI. QazAqparat – Abaı oblysy Besqaraǵaı aýdanynda jaǵalaýda qaraýsyz qalǵan jasóspirim qyz sýǵa batyp ketti, dep habarlaıdy QazAqparat tilshisi.

Oblystyq Tótenshe jaǵdaılar departamenti baspasóz qyzmetiniń málimetine súıensek, oqıǵa 5 maýsym kúni Beskaraǵaı aýdanyndaǵy Steklıanka aýylynda bolǵan.

«Qutqarýshylarǵa Ertis ózeninde jasóspirimniń sýǵa batyp ketkeni týraly habar tústi.

Oqıǵa ornyna qutqarý bólimshesiniń qyzmetkerleri dereý shyqty. Kýágerlerdiń aıtýynsha, 15 jastaǵy qyz ózenniń arnaıy jabdyqtalmaǵan ýchaskesinde eresekterdiń qaraýynsyz qalǵan. Shomylyp júrgen ol kenet sýǵa batyp ketken», - delingen aqparatta.

2 saǵat izdestirý sharalaryn júrgizgen qutqarýshylar sýdan qyzdyń denesin taýyp, alyp shyqty.