Abaı oblysynda úshemder otbasyna páter berildi
SEMEI. QazAqparat – Abaı aımaǵy jańadan qurylǵaly beri dúnıege kelgen alǵashqy úshemniń otbasyna Semeı qalasynan baspana berildi, dep habarlaıdy QazAqparat oblys ákimdiginiń baspasóz qyzmetine silteme jasap.
Oblys ákimi Nurlan Uranhaev úshemdi qosqanda 8 balaly bolǵan jas otbasyn quttyqtap, 3 bólmeli páter syıǵa tartý etti.
«Bala – kóńildiń gúli, kózdiń nury» degen dana halqymyz balany baılyq pen berekege balaǵan. Sizder – qasıetti Abaı jerinde dúnıe esigin ashqan tuńǵysh úshemniń ata-anasy atanǵan baqytty jansyzdar. Keleshekte Begimaı, Bek-Muhammed pen Begaıym úmitterińizdi aqtap, mereılerińizdi ústem etetin ultymyzdyń ardaqty azamattary bolatynyna senimdimin», – dedi Nurlan Uranhaev óz quttyqtaýynda.
Aıta ketsek, jas otbasy osy ýaqytqa deıin Jarma aýdanynyń ortalyǵy Qalbataý aýylynda páter jaldap turǵan. Úshem dúnıege kelmes buryn Azamat jáne Aıda 5 balasyn tárbıelep kelgen. Olar oblys ortalyǵynan baspanaly bolǵanyna rııasyz qýanyshty ekenin jetkizdi.
«Qýanyshymyzda shek joq. Oblys ákimine alǵys bildiremiz. Osydan birer apta buryn ózimizdiń ótinishimizdi aıtqan edik. Kóp uzamaı mine 3 bólmeli páterge ıe bolyp otyrmyz. Kishkene bóbekterimiz úshin bul úlken qýanysh. Elimiz, oblysymyz damı bersin. Sheksiz alǵys aıtamyz», – dedi kópbalaly otbasy.
