Abaı oblysynda turǵyndardyń ormanǵa barýyna ýaqytsha tyıym salynbaq

SEMEI. QazAqparat – Abaı oblysynda turǵyndardyń ormanǵa barýyna ýaqytsha tyıym salynýy múmkin. Bul týraly oblys ákimi Nurlan Uranhaevtyń tıisti qaýlysy ashyq talqyǵa shyǵaryldy, dep habarlaıdy QazAqparat tilshisi.

«Ormanda órt qaýpi joǵary kezeńderde jeke tulǵalardyń Abaı oblysynyń memlekettik orman qory aýmaǵyna barýyna tyıym salynsyn. Bul baǵytta halyq arasynda túsindirý jumysy júrgizilsin. Sondaı-aq, orman aýmaǵyna kiretin jerler shlagbaýmmen jabdyqtalyp, aýmaqtyń perımetri boıynsha táýlik boıy patrýl uıymdastyrylsyn» delingen qaýlyda.

Qujatqa sáıkes, mundaı shara oblys aýmaǵyndaǵy orman alqaptarynda órt oqıǵalarynyń aldyn alý maqsatynda qabyldanyp otyr.

Eske salsaq, buǵan deıin Almatyda taý baýraıyndaǵy qurǵaq shópten tutanǵan órtti sóndirýge eki tikushaq jumyldyrylǵanyn jazǵan edik.