Abaı oblysynda tótenshe jaǵdaılar kezinde úsh júzden astam adam qutqaryldy

SEMEI. QazAqparat - Tótenshe jaǵdaılar mınıstri Syrym Sháriphanov Abaı oblysynyń halyqymen kezdesýde óńirdegi ahýal týraly aıtty, dep habarlaıdy QazAqparat.

«Jyl basynan beri Abaı oblysynyń qutqarýshylary úsh júzden astam adamdy qutqardy. Bul ótken jyldyń sáıkes kezeńimen salystyrǵanda 2,5 ese kóp. Bul rette óńirde bes júzden astam tótenshe jaǵdaı tirkeldi», - dedi TJM basshysy.

Oblys boıynsha oqıǵalardyń basym bóligin turmystyq jáne óndiristik órtter quraıdy, bul shamamen 90%. Syrym Sháriphanov Abaı oblysynyń turǵyndarymen kezdesý barysynda atap ótkendeı, osy oqıǵalardyń kóbi jylytý kezeńine tıesili.

Sonymen qatar, mınıstr óńir turǵyndaryn eldegi jedel jaǵdaı týraly habardar etti. Birinshi jartyjyldyqta mınıstrlik tótenshe jaǵdaılar kezinde qaza tapqandardyń ósýine jol bermedi, olardyń sany 8,4%-ǵa azaıdy.

Bul rette respýblıka boıynsha 6 myńnan astam tabıǵı jáne tehnogendik sıpattaǵy tótenshe jaǵdaılar tirkelgen.