Abaı oblysynda taǵy da dala órti tutandy

SEMEI. QazAqparat – Abaı oblysy Jarma aýdanynda 40 gektar jer órtenip jatyr, dep habarlaıdy QazAqparat tilshisi.

Abaı oblysy ákimdigi baspasóz qyzmetiniń málimetine súıensek, Jarma aýdany Shalabaı aýyldyq okrýginde ashyq alańda órt shyqty.

«40 gektar aýmaqta shóp jandy. Oqıǵa ornynda órt sóndirýshiler men jergilikti atqarýshy organ qyzmetkerleri jumys istep jatyr. Qalbataý aýylynan 1 avtobýs jolǵa shyqty. Jarma aýdandyq TJB bastyǵynyń mindetin atqarýshy da oqıǵa ornynda júr», - delingen aqparatta.

Sonymen qatar, Besqaraǵaı aýdanynda da eki órt shyqqan. Bir ot oshaǵy sóndirilse, ekinshisi oqshaýlandy.

Oblys ákimi Nurlan Uranhaev shuǵyl túrde jedel shtab otyrysyn ótkizdi. Ol TJD basshylyǵyna jaǵdaıdy baqylaýda ustap, qosymsha tehnıka jiberýdi tapsyrdy.

Eske salsaq, osyǵan deıin Abaı oblysynda barlyq dala órtteri sóndirilgen bolatyn.