Abaı oblysynda «Tabysty otbasy» áleýmettik jobasy bastaldy

SEMEI. QazAqparat - Abaı oblysynda jeltoqsan aıynan «Tabysty otbasy» áleýmettik jobasy bastaldy, dep habarlaıdy QazAqparat tilshisi.

Oblys ákimdiginiń málimetine súıensek, jeltoqsan aıynan bastap «Tabysty otbasy» áleýmettik jobasy qolǵa alynyp otyr.

- «Otbasy» áleýmettik-mádenı qory turmysy tómen jáne kópbalaly otbasylardyń múshelerin, múmkindigi shekteýli balalardy tárbıelep otyrǵan otbasylardy, balalaryn jalǵyz tárbıelep otyrǵan ata-analardy jáne halyqtyń áleýmettik osal toptary sanatyndaǵy 29 jasqa deıingi jas azamattardy oqytýǵa jáne jumysqa ornalastyrýǵa jaǵdaı jasaýǵa baǵyttalǵan baǵdarlamany iske asyrmaq. Negizgi maqsat - tabysty ulǵaıtýǵa járdemdesý, jobaǵa qatysýshylardyń sanasyn ózgertý, ómir súrý deńgeıi men sapasyn arttyrý, - delingen aqparatta.

Jobanyń biregeıligi - ár joba qatysýshysyna jeke damý kartasyn qurý jáne qolma-qol aqsha bermeı óz isin ashýǵa múmkindik berý. Oqytý bes baǵyt boıynsha júrgiziledi, atap aıtqanda sulýlyq salasy, áleýmettik jelilerdi súıemeldeý, tiginshi, avtodánekerleýshi jáne kondıter. Tolyq aqparat alý úshin 87054168696 telefon nómirine habarlasýǵa bolady.

Ashyq kózderden alynǵan foto