Abaı oblysynda sý qubyryndaǵy apat saldarynan bir aýyl halqy sýsyz qaldy

SEMEI. QazAqparat – Abaı oblysy Borodýlıha aýdanynda sý qubyryndaǵy apat saldarynan bir aýyl halqy sýsyz qaldy, dep habarlaıdy QazAqparat tilshisi.

Borodýlıha aýdanynda sý qubyrynda apat bolyp, Qarósteli aýylyndaǵy 400-ge tarta úı sýsyz qaldy. Turǵyndar sýdy basqa eldi mekenderden tasyp ákelýde.

Qazirgi ýaqytta mamandar apat bolǵan jerde tıisti jóndeý jumystaryn júrgizip jatyr.

«Apatty joıý maqsatynda Belaǵash toptyq sý qubyryn paıdalaný boıynsha óndiristik ýchaskeniń barlyq tehnıkasy men jeke quramy jumyldyrylǵan. Kásiporynnyń basqa bólimsheleriniń mamandary men qosymsha qural-jabdyqtar da jiberildi», - dep habarlady «Qazsýshar» RMK-dan.