Abaı oblysynda soǵys ardageri saılaý ýchaskesine ózi kelip, daýys berdi

SEMEI. QazAqparat – Abaı oblysynda Ekinshi dúnıejúzilik soǵys ardageri Eleýsiz Qınbaev saılaýda óz tańdaýyn jasady, dep habarlaıdy QazAqparat tilshisi.

98 jastaǵy Eleýsiz Qınbaev Abaı oblysy Kókpekti aýdany Aqtas aýylynda turady. Ekinshi dúnıejúzilik soǵys ardageri QR Parlamenti Májilisi men barlyq deńgeıdegi máslıhat depýtattarynyń kezekten tys saılaýynda daýys berdi.

Qarııa úıde emes, №383 saılaý ýchaskesine kelip, óz tańdaýyn jasady.

«Búgin saılaýǵa qatysyp, óz daýysymdy berip otyrmyn. Halyqty belsendilik tanytyp, daýys berýge shaqyramyn. Sebebi bul el bolashaǵy úshin kerek», - deıdi Eleýsiz Qınbaev.

Abaı oblysyndaǵa 478 saılaý ýchaskesinde 416 030 adam daýys berýge quqyly. Onyń ishinde 2684-i - múgedektigi bar adam.

Eske salsaq, osyǵan deıin saılaý kúni shańyraq kótergen semeılik eki jastyń daýys bergenin habarlaǵan edik.