Abaı oblysynda shomylýǵa ruqsat etiletin sý aıdyndarynyń tizimi jarııalandy
ASTANA. QazAqparat – Abaı oblysynda bıyl shomylýǵa, saıahattaýǵa jáne sý sportymen aınalysýǵa arnalǵan jerlerdiń tizimi jarııalandy, dep habarlaıdy QazAqparat tilshisi.
«Ashyq» NQA portalynda jarııalanǵan qujatta Abaı oblysynyń 4 aýdany men Semeı qalysyndaǵy sý obektilerinde kópshiliktiń demalýyna arnalǵan oryndardyń tizimi jazylǵan.
Besqaraǵaı aýdany boıynsha:
«Shoshqaly» kóli – kópshiliktiń demalýy úshin paıdalanylatyn jaǵajaı, júzý aımaǵynyń qorshaýymen belgilengen shekaralary sheginde.
Borodýlıha aýdany boıynsha:
Shúlbi sý qoımasy – «Janaı» jáne «Nursultan» demalys bazalary;
Jernovskıe kólderi – «Adal kompanı» demalys bazasy;
Mıhaılovskıe kólderi – «Krıstall» balalardyń saýyqtyrý lageri;
Arasan kóli – «Jarma Arasan» saýyqtyrý ortalyǵy.
Jarma aýdany boıynsha:
Arasan kóli – «Jarma Arasan» saýyqtyrý ortalyǵy.
Úrjar aýdany boıynsha:
Alakól kóli – kópshiliktiń demalýy úshin paıdalanylatyn jaǵajaı, júzý aımaǵynyń qorshaýymen belgilengen shekaralary sheginde.
Semeı qalasy boıynsha:
Ertis ózeni – «Sarjaılaý» demalys bazasy;
Ertis ózeni – «Bobrovka» demalys bazasy;
Ataýy joq kól – «Maqsal» demalys bazasy;
«Kolhoznoe» kóli – «Topolek» sharýa qojalyǵynyń jaǵajaıy.
Qujat 26 sáýirge deıin kópshilik talqylaýda bolady.
