Abaı oblysynda saq qolbasshysynyń qorymy tabyldy

SEMEI. QazAqparat – Abaı oblysy Aıagóz aýdanynda saq qolbasshysynyń qorymy tabyldy, dep habarlaıdy QazAqparat tilshisi.

Almatydaǵy ál-Farabı atyndaǵy qazaq ulttyq ýnıversıtetiniń arheologtary Aıagóz aýdany Bozaı aýyly mańynda qazba jumystaryn júrgizip jatyp saq qolbasshysynyń qorymyn tapty.

Qolbasshy osydan 700-2600 jyl buryn ómir súrgen bolýy múmkin. Saq qorǵanynyń dıametri shamamen 30 metrdi quraıdy.

«Qazba jumystaryn 2021 jyldan beri júrgizip jatyrmyz. Sodan beri Bozaı qorymynan ártúrli kezeńge jatatyn 60-qa jýyq eskertkish anyqtaldy. Ań stılindegi buǵynyń, qabylannyń beınesi tabyldy», - deıd arheolog Baýyrjan Besetaev.

Arheologtar qazba jumystaryn ary qaraı jalǵastyra bermek.

Vıdeodan alynǵan kadr