Abaı oblysynda Respýblıka kúnine oraı 200-den astam shara ótedi
Memleket basshysy Qasym-Jomart Toqaev Ulttyq quryltaıdyń birinshi otyrysynda Respýblıka kúnine ulttyq mereke mártebesin qaıtarýdy usynǵan edi. Sóıtip osy jyldyń qyrkúıek aıynda tıisti zańǵa qol qoıyldy. Endi Respýblıka kúni Ulttyq merekeler tizimine engizildi.
Osy oraıda Abaı oblysynda Respýblıka kúnin merekeleýge daıyndyq qarqyndy júrip jatyr.
«Jalpy óńir boıynsha 200-den astam shara ótkizý josparlanǵan. Onyń ishinde saltanatty jáne mádenı-buqaralyq is-sharalar ótkizý kózdelip otyr. Mereke kúni oblystyń ortalyq alańdarynda, saıabaqtary men skverlerinde jappaı jármeńkeler, kórmeler, merekelik kontsertter uıymdastyrylady, - dedi Abaı oblysynyń qoǵamdyq damý basqarmasynyń basshysy Aıdar Sadyrbaev.
Sondaı-aq birqatar nysan ashylyp jáne jańa páter ıelerine baspana kiltteri tabystalmaq.
