Abaı oblysynda órt aımaǵynda nelikten aıaq astynan joldy jamap jatqany belgili boldy

SEMEI. QazAqparat - Abaı oblysynyń ákimdigi buqaralyq aqparat quraldary taratqan aqparatqa resmı jaýap berdi, dep habarlaıdy QazAqparat.

Aıta keteıik, keshe jelide «Abaı oblysyna Prezıdent keletin bolǵan soń joldar shuǵyl jóndelip, asfalt jamalyp jatqany» jaıly habar tarady. Telearnadan arnaıy sıýjet te kórsetildi.

Osyǵan baılanysty oblys ákimdigi málimdeme jasady.

«Borodýlıha-Jernovka-Pollog» aýdandyq mańyzy bar jolynda kólik quraldarynyń, onyń ishinde qutqarý qyzmeti men volonterlerdiń qozǵalys qarqyny artty. Osyǵan baılanysty órt sóndirý shtabyna kelip-ketetin avtomobıl aǵynyn eskere otyryp, qaýipsiz qozǵalysty qamtamasyz etý jáne júrý bóligin shańnan aryltý maqsatynda joldaǵy shuńqyrlar ýaqytsha biteldi» dep habarlaıdy ákimidk.

Eske sala keteıik, Abaı oblysynda 60 myń gektar aýmaqta orman janyp jatyr.

Keshe órt sóndirip júrip mert bolǵan 14 ormanshynyń denesi tabyldy. Ekologııa mınıstrligi órtten kóz jumǵan ormanshylardyń tizimin jarııalady.