Abaı oblysynda Naýryzǵa oraı 500-den astam shara ótedi
Oblys ákimdiginiń málimetine súıensek, ártúrli formattaǵy merekelik sharalar salt-dástúrdi jańǵyrtýǵa, rýhanı qundylyqtardy dáripteýge baǵyttalǵan.
«Naýryz – halqymyz úshin mańyzy joǵary mereke. Eń áýeli Naýryzdy tazalyq pen qorshaǵan ortaǵa qamqorlyq merekesi retinde qaraǵan jón. Osyǵan oraı jalpyrespýblıkalyq «Taza tabıǵat» aktsııasy bastaldy. Josparda barlyǵy 500-den astam shara qarastyrylǵan. Onyń ishindegi aýqymy jaǵynan negizgi sharalar sany – 50. Semeı qalasynyń túkpir-túkpirinde ulttyq salt-dástúrdi pash etetin taqyryptyq sharalar uıymdastyrylady. Naýryz - meıirim men qaıyrymdylyqtyń da merekesi, sol sebepti oblysta qaıyrymdylyq aktsııalary da ótkizilmek, - deıdi Abaı oblystyq Mádenıet, tilderdi damytý jáne arhıv isi basqarmasynyń basshysy Aıdar Sadyrbaev.
21 naýryzda qala shetinde Naýryz meıramyn toılaýǵa arnalǵan saltanatty shara ótedi. Al basty mereke 22 naýryzda bastalady.
«Bıyl Ulystyń uly kúninde qalanyń Stepnoı, Shyǵys, Vodnyı, Dalnyı, ıÝnost sekildi shet aýdandarynda da merekelik sharalar uıymdastyrylady. 22 naýryzda teatr jáne fılarmonııa ártisteri shahar turǵyndary aldynda óner kórsetedi. Merekede tarıhı tulǵalardyń esimderimen atalatyn 12 kıiz qurylady, – deıdi Semeı qalalyq mádenıet jáne tilderdi damytý bóliminiń basshysy Marjan Bahatova.
