Abaı oblysynda qutqarýshylar ózen ortasyndaǵy aralda qalyp qoıǵan adamdy aman alyp shyqty

ASTANA. QazAqparat – Abaı oblysynda qutqarýshylar ózennen óte almaı, aralda qalyp qoıǵan adamdy qutqardy, dep habarlaıdy QazAqparat oblystyq tótenshe jaǵdaılar departamentiniń baspasóz qyzmetine silteme jasap.

Baspasóz málimetterine qaraǵanda, búgin saǵat 14: 30-da 112 pýltine Kókpekti aýdanyndaǵy Aja aýyly eski Býdennyı ýchaskesindegi Kókpekti ózeninen ótip bara jatyp, eki adam aralda qalyp, qutqarýshylardyń kómegi qajet ekendigi týraly habarlama kelip tústi.

Oqıǵa ornyna qutqarýshylar men tehnıka jiberildi.

Qutqarýshylar kelgennen keıin 1992 jyly týǵan er adam, ózennen atpen júzip ótip, aǵysty jeńe almaı ózen aralynda qalǵany anyqtaldy.

15-ÓSB qyzmetkerleri rezeńke qaıyqtyń kómegimen er adamdy jaǵaǵa, qaýipsiz jerge evakýatsııalady. Jaǵdaıy qanaǵattanarlyq, medıtsınalyq kómekke muqtaj emes.

Qutqarýshylar kelgenge deıin ekinshi adam óz betimen jaǵaǵa shyqty.