Abaı oblysynda qýaty 100 MVt jel elektr stantsııasy iske qosyldy

ABAI. QazAqparat - Abaı oblysynda qýaty 100 MVt jel elektr stantsııasy paıdalanýǵa berildi. Bul týraly QR Energetıka mınıstrliginen málim etti, dep habarlaıdy QazAqparat.

2022 jylǵy shildede Abaı oblysynyń Aıagóz aýdanynda 100 MVt «Abaı-1» jel elektr stantsııasy (JES) generatsııasyn bastady. Ol 2025 jylǵa deıin keminde 2 400 MVt jańartylatyn energııa kózderiniń (JEK) qýatyn iske qosý jónindegi Memleket basshysy Qasym-Jomart Toqaevtyń tapsyrmasyn iske asyrý sheńberinde qolǵa alynǵan.

«Jobany iske asyrý jelide shamamen 300 mln kVt/saǵ qosymsha elektr energııasyn berýge múmkindik beretin JEK kózderin eldiń jalpy energııa júıesine belsendi ıntegratsııalaýdyń jalǵasy bolyp tabylady. Sonymen qatar joba sheńberinde shamamen 15 turaqty jumys orny ashylady.

Sondaı-aq Qazaqstannyń «jasyl» ekonomıkaǵa kóshýi tujyrymdamasynda jáne Qazaqstan-2050 strategııasynda eldiń energııa teńgerimindegi jańartylatyn energııa kózderiniń úlesin 2025 jyly 6%, 2030 jyly 15% jáne 2050 jyly 50% (balamaly kózderdi eskere otyryp) jetkizý maqsattary bekitildi», - delingen mınıstrlik habarlamasynda.