Abaı oblysynda qazba baılyqtar kóptep tabylady dep oılaımyn - Prezıdent
«Taǵy bir ózekti másele – bos jatqan jerlerdi memleketke qaıtarý. Men bul jumysty búkil el aýmaǵynda júrgizýdi tapsyrdym. Abaı oblysynda qazirdiń ózinde osyndaı 200 myń gektar jer anyqtaldy. Sonyń 62 myń gektary qaıtaryldy. Qaıtarylǵan jerlerdi jergilikti sharýalarǵa ádil úlestirip, el ıgiligine tıimdi paıdalaný asa mańyzdy. Jalpy, bul jumys odan ári jalǵasady», - dedi QR Prezıdenti.
Sondaı-aq Memleket basshysy oblys aýmaǵynda aýqymdy geologııalyq zertteý jumysyn júrgizý qajet ekenin atap ótti.
«Aımaqtyń jer qoınaýy polıgonnyń kesirinen jyldar boıy ıgerilgen joq. Sol sebepti, oblys aýmaǵynda aýqymdy geologııalyq zertteý jumysyn júrgizý qajet. Qazba baılyqtar kóptep tabylady dep oılaımyn. Taý-ken ónerkásibin damytý oblys ekonomıkasyn jandandyrady. Sondaı-aq, jańa jumys oryndaryn ashýǵa múmkindik beredi», - dep túıindedi Qasym-Jomart Toqaev.
Foto : t.me/bort_01
