Abaı oblysynda qaza bolǵan órt sóndirýshiniń otbasyna «Aıbyn» ordeni tabystaldy

SEMEI. QazAqparat – Abaı oblysy Jarma aýdanynda qaza bolǵan órt sóndirýshi Aıdos Toǵyzbaevtyń otbasyna ІІІ dárejeli «Aıbyn» ordeni men 3 bólmeli páterdiń sertıfıkaty berildi, dep habarlaıdy QazAqparat tilshisi.

Abaı oblysy ákimdigi baspasóz qyzmetiniń málimetine súıensek, aımaq basshysy Nurlan Uranhaev pen QR Tótenshe jaǵdaılar vıtse-mınıstri Marat Kúldikov Jarma aýdanyndaǵy dala órtin sóndirý kezinde kúıik shalyp, qaza bolǵan órt sóndirýshiniń otbasymen kezdesti.

«Aıdos Toǵyzbaevtyń batyldyǵy, qaısarlyǵy men óz qyzmetine adaldyǵy barshamyzǵa úlgi-ónege bolyp qala bermek. Abaı oblysy turǵyndarynyń atynan marqumnyń joldasyna, týǵan týystaryna taǵy bir márte qaıǵyryp kóńil aıtamyn», - dedi oblys ákimi.

Kezdesý barysynda marqumnyń otbasyna ІІІ dárejeli «Aıbyn» ordeni men 3 bólmeli páterdiń sertıfıkaty tabystaldy.

Eske salsaq, osyǵan deıin Abaı oblysynda jalyn sharpyǵan aýmaq 5000 gektarǵa jetkenin habarlaǵan bolatynbyz.

Abaı oblysynyń Jarma aýdanynda 3 órt sóndirýshini kúıik shalyp, onyń biri kóz jumǵan edi.

Órt sóndirýshilerdiń biri aýyr jaǵdaıda aýrýhanaǵa tústi.

Abaı oblysynyń ákimi Nurlan Uranhaev qaza bolǵan órt sóndirýshiniń otbasyna qajetti kómek kórsetiletinin málim etken bolatyn.

Óńirdegi dala órtteri 9 qyrkúıek kúni tańerteń oqshaýlanyp, sol kúni tolyqtaı sóndirilgen.