Abaı oblysynda qańǵybas janýarlar panalaıtyn ǵımarat salynady

SEMEI. QazAqparat – Abaı oblysynda qańǵybas janýarlar panalaıtyn ǵımarat salynady, dep habarlaıdy QazAqparat tilshisi.

Oblystyq veterınarııa basqarmasynyń málimetine súıensek, óńirde qańǵybas janýarlar panalaıtyn ǵımarat salý kózdelip otyr. Qazir onyń naqty qaı jerde ornalasatyny talqylanýda.

Ókinishke qaraı, Semeı qalasynyń ózinde qańǵybas janýarlarǵa arnalǵan birde bir mamandandyrylǵan ǵımarat joq.

«Tek ýaqytsha ustaý pýnkti bar. Negizinen tájirıbe kórsetkendeı, kóp jaǵdaıda qańǵybas ıt-mysyqtyń ıeleri bar bolyp shyǵady. Kóshe kezgen janýarlardy aýlaý jumystary bastaldy. Qazirdiń ózinde 35 ıt aýlanǵan. Osy rette, «4 taban» qoǵamdyq qorymen birlese jumys isteý týraly kelisimge qol qoıdyq. qańǵybas janýarlar panalaıtyn ǵımarattyń qaı jerde ornalasatyny sheshilgen soń qurylys jumystaryna tıisti qarjy bólinedi», - deıdi basqarma basshysy Erjan Baryshev.