Abaı oblysynda halyqaralyq óner jáne sport festıvali ótip jatyr
Abaı oblysy Aqsýat aýdanynda jyl saıynǵy dástúrge aınalǵan «Tuǵyry bıik Tarbaǵataı» atty halyqaralyq óner jáne sport festıvali ótip jatyr. Sharanyń ashylý saltanatyna oblys ákimi Nurlan Uranhaev qatysty.
«Dana halqymyzda «Týǵan jerge týyńdy tik» degen ulaǵatty sóz bar. Atadan balaǵa mıras bolǵan, tól ónerdiń damýyna at salysqan azamattar men uıymdastyrýshylarǵa ózimniń jáne barsha jerlesterimniń atynan zor alǵys bildiremin. Barsha sportshylar men ónerpazdarǵa sáttilik, kórermen qaýymǵa - umytylmas merekelik kóńil-kúı tileımin», - dedi ol.
Festıval Aqsýat aýylynda medreseniń ashylý saltanatymen bastaldy. Jas balalar arasynda «Quran jattaý» jarysy ótti. Sondaı-aq Qabanbaı batyrdyń 330 jyldyǵyna arnalǵan respýblıkalyq ǵylymı-tájirıbelik konferentsııa boldy.
Qazirgi ýaqytta ortalyq stadıonda qazaq kúresinen Yrǵyzbaı Dosqanauly atyndaǵy álemdik gran-prı básekesi ótýde. Halyqaralyq sharaǵa 19 memleketten 40-qa jýyq balýan qatysýda.
