Abaı oblysynda esirtkiniń asa iri kólemimen 3 stýdent ustaldy
Semeı qalasynyń mańynda esirtki satýshylardy ustaý operatsııasy ótti. Abaı oblystyq Polıtsııa departamenti Esirtki qylmysyna qarsy is-qımyl basqarmasynyń qyzmetkerleri psıhotroptyq zattardy satty degen kúdikpen jergilikti kolledjdiń 18 jastaǵy úsh stýdentin ustady.
Kúdiktiler Telegram arnalar jáne ınternet saıttar arqyly psıhotroptyq zattarǵa tapsyrys alyp, Semeı qalasynyń aýmaǵynda jasyryn orynǵa qoıyp ketip otyrǵan. Tintý sharalaryn júrgizý kezinde olardan polıetılenge oralǵan 34 dana esirtki túıinshegi tárkilendi. Alynǵan zat salmaǵy 13 gramm, Alfa-PVP sıntetıkalyq esirtkisi ekeni anyqtaldy. Bul asa iri kólem bolyp tabylady.
«Qazirgi ýaqytta QR Qylmystyq kodeksiniń 297-babyna sáıkes sotqa deıingi tergeý júrgizilip jatyr... Іstiń barlyq fıgýranty Semeı qalasy polıtsııa basqarmasynyń ýaqytsha ustaý ızolıatoryna qamaldy. Kúdiktiler 15 jylǵa deıin bas bostandyǵynan aıyrylýy yqtımal», - delingen málimette.
Polıtsııadan atap ótkendeı, jaz mezgilinde mektep oqýshylary men stýdent jastar demalysta bolatyndyqtan, ata-analar balalary bos ýaqytty qalaı jáne kimmen ótkizetinine muqııat bolýy kerek.
Foto: polisia.kz
