Abaı oblysynda eki tasjolda kólik qozǵalysyna tyıym salyndy

SEMEI. QazAqparat – Abaı oblysyndaǵy eki tasjolda kólik qozǵalysy shekteldi, dep habarlaıdy QazAqparat tilshisi.

TJD málimetine súıensek, oblystyq mańyzy bar «Dmıtrıevka-Borodýlıha-Abaı oblysynyń shekarasy» tasjolynyń 0-72 shaqyrymynda jáne «Semeı-RF shekarasy-Voskresenovka-Petropavlovka-Dmıtrıevka» tasjolynda kóliktiń barlyq túrleri úshin qozǵalysqa ýaqytsha shekteý engizilgen.

Buǵan boran men joldyń durys kórinbeýi sebep bolyp otyr.

Osy rette qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldik qosymshasy arqyly tekserip otyrýǵa keńes berdi.

Eske salsaq, buǵan deıin ShQO-nyń Shemonaıha qalasynan Reseı shekarasyna deıingi jol jabylǵanyn habarlaǵan edik.