Abaı oblysynda bıyl orman órti eki ese azaıdy
Nurlan Uranhaev Borodýlıha aýdanyndaǵy «Semeı Ormany» orman tabıǵı rezervatynyń jumysymen tanysty. Rezervat 1968 jyly qurylǵan. Jalpy aýdany 52,7 gektardy quraıdy. Jumystyń negizgi baǵyty - ormandy qalpyna keltirý, órt pen zııankesterden qorǵaý.
«Oblysymyzda orman bolǵandyqtan, tilsiz jaýdyń bolatyny anyq. Biraq bıyl abyroı bolǵanda, iri órt bolǵan joq. Jalpy jyl basynan beri orman órti ótken jylǵy kezeńmen salystyrǵanda eki ese azaıdy. Osy rette, TJD mamandaryna alǵys aıtamyn», - dedi N. Uranhaev.
Ujymmen kezdesý barysynda qyzmetkerler oblys basshysynan sýarý júıesin aýystyrýǵa kómek surady. Bul qaraǵaı kóshetterin sapaly ósirý úshin qajet.
Sonymen qatar Abaı oblysynyń ákimi Borodýlıha kolledjine bardy. Bilim berý mekemesi jumysshy mamandyqtaryn - aspaz, mehanızator, dánekerleýshini oqytýǵa mamandanǵan. Búgingi tańda munda 140 stýdent bilim alýda. Kolledj janynda 2007 jyly paıdalanýǵa berilgen jataqhana bar.
Problemalyq máselelerdiń biri - kolledj burynǵy turmystyq kombınattyń beıimdelgen úı-jaıynda ornalasqan. Oqý korpýsy men jataqhanany jóndeýge qarajat qajet.
