Abaı oblysynda bıyl kezekte turǵandarǵa 276 páter beriledi
Abaı oblysy ákimdigi baspasóz qyzmetiniń málimetine súıensek, óńir boıynsha bıyl memlekettik turǵyn úı qorynan kezekte turǵandar úshin 276 páter berý josparlanyp otyr.
«Halyqty baspanamen qamtý - turǵyndardyń ómir súrý sapasyn arttyrýdyń negizgi baǵyttprynyń biri. Búginde Abaı oblysynda 18 myńǵa jýyq adam baspana kezeginde tur. Onyń ishinde jetim balalar, kópbalaly otbasylar, memlekettik qyzmetkerler, UOS ardagerleri jáne jalǵyz baspanasy apatty jaǵdaıda dep tanylǵan azamattar bar. Jyl basynan beri 113,6 myń sharshy metr turǵyn úı paıdalanýǵa berildi», - delingen aqparatta.
Sonymen qatar Semeıdiń ortalyq kóshelerindegi kópqabatty 19 úıdiń qasbetine jóndeý jumystaryn júrgizý bastaldy. Budan bólek, jer úıler aýmaǵynda 36 sporttyq alań men fýtbol alańy turǵyzylmaq.
«Jalpy oblys boıynsha 51 kópqabatty úıdiń aýlasy abattandyrylady. Onyń ishindegi 35 úı Semeıde, 16 úı Aıagóz qalasynda ornalasqan», - delingen habarlamada.
