Abaı oblysynda bıyl 12 myńǵa jýyq jumys orny quryldy
Abaı oblysy ákimdiginiń málimetine súıensek, óńirde áleýmettik-ekonomıkalyq damýda turaqty ósim baıqalyp otyr.
«2023 jyldyń alǵashqy alty aıynda aımaq kásiporyndary 673,6 mlrd teńgege ónim óndirdi. Negizgi úlesi – 56,3% taý-ken ónerkásibi jáne ken oryndaryn qazýǵa tıesili. Al óńdeý ónerkásibinde 269,2 mlrd teńgege ónim shyǵaryldy. Oblys boıynsha aýyl sharýashylyǵy belsendi damyp keledi. Bul salada jalpy ónim kólemi 143,7 mlrd teńgeni qurady», - delingen aqparatta.
Abaı oblysynda egis egý naýqany tolyǵymen aıaqtalǵan. Onyń jalpy aýdany – 654,2 gektar.
«Onyń ishinde dándi daqyldar – 297,3 myń gektar, maıly daqyldar – 306,2 myń gektar, kartop – 7,7 myń gektar, kókónister – 3,6 myń gektar, baqsha daqyldary – 2 myń gektar. Investıtsııa tartýǵa erekshe kóńil bólinýde. Ótken alty aıda óńirge 230,5 mlrd teńge tartylǵan. Oblysta qurylys jumystary qarqyndy júrgizilýde. Jyl basynan beri 130,1 myń sharshy metr turǵyn úı paıdalanýǵa berilgen», - delingen habarlamada.
Birinshi jartyjyldyqta oblysta 11 773 jumys orny quryldy. Onyń 7 242-si turaqty.
«Jumyspen qamtý organdaryna jumysqa ornalasý úshin 12 282 adam júgingen. Onyń ishinde 6 512 adam jumysqa ornalastyryldy. Aqyly qoǵamdyq jumystarǵa – 3 074 adam jiberildi», - delingen málimette.
Eske salsaq, óńir basshysy Nurlan Uranhaev Semeıdegi Abaı atyndaǵy teatrda turǵyndarǵa bir jylda júrgizilgen jumystard men júzege asyrylyp jatqan jobalar týraly esep bergen edi.
Bılik halyqtyń ómir súrý sapasyn jaqsartýǵa nıetti. Esepti kezeńde barlyq uıymdastyrýshylyq sátterdi sheshýge, tıisti qujattamany daıyndaýdy bastaýǵa, qysqa, orta jáne uzaq merzimdi josparlaýdy qamtamasyz etýge barynsha kúsh salyndy.Qysqa merzimde damýdyń Keshendi jospary qabyldandy. Damý josparyna obektıvti sebeptermen kirmegen jobalardy Premer-Mınıstr oblysqa jumys sapary barysynda qoldady.
Sondaı-aq osy aıda Nurlan Uranhaev pen «Baqyrshyq taý-ken óndirý kásiporny» JShS basqarma tóraǵasy Kenbeıil Isaev áleýmettik jobalardy iske asyrý máseleleri boıynsha ózara is-qımyl memorandýmyna qol qoıǵan edi.
Bul da aımaqtyń damýy múmkindikterin arttyra túspek. Sebebi memorandým óńirdiń áleýmettik-ekonomıkalyq damýy sheńberinde iske asyrylatyn bolady.Aýmaqty abattandyrý qalanyń ınfraqurylymdyq damýy turǵysynan mańyzdy jáne ózekti máselesi.
