Abaı oblysynda bir kúnde jolda qalǵan 65 adam qaýipsiz jerge kóshirildi
Oblys ákimdiginiń málimetine súıensek, sońǵy táýlikte apattyq-qutqarý jumystary «Óskemen-Qalbataý», «Kókpekti-Bıǵash», «Semeı-Almaty», «Semeı-Qaraýyl», «Semeı-Óskemen», «Semeı-Qaınar», «Qalbataý-Kókpekti» tasjoldarynyń ýchaskelerinde júrgizildi.
«Іzdestirý-qutqarý jumystaryna Abaı oblysy TJD jeke quramynan 25 adam jáne 7 tehnıka jumyldyrylǵan. Óńir boıynsha barlyǵy jolda qalǵan 65 adam evakýatsııalandy, onyń ishinde 6 bala bar. Qar qursaýynda qalǵan 20 kólik shyǵaryldy», - delingen aqparatta.
Avtokólik joldarynyń ashylýy men jabylýy týraly aqparatty 8 (701) 532 95 58, 8 (701) 618 32 31( «Semeı Joldary» JShS, oblystyq mańyzy bar joldarǵa qatysty) jáne 8 (7232) 26-28-08 («QazAvtoJol UK»AQ, respýblıkalyq mańyzy bar joldarǵa qatysty bilýge bolady. Qandaı da bir qıyn jaǵdaıǵa tap bolsańyzdar «112» nómirine qońyraý shalý qajet.
Foto: Abaı oblysy ákimdigi
