Abaı oblysynda balalar úıinde ósip jatqan jetkinshekterge áke-sheshesi 30 mln teńge alıment qaryz
SEMEI. QazAqparat - Abaı oblysy Borodýlıha aýdanynyń prokýratýrasy ata-ana qamqorlyǵynsyz qalyp, bala ortalyǵynda tárbıelenip jatqan jetkinshekterdiń quqyǵy qanshalyqty qorǵalatynyna monıtorıng júrgizdi, dep habarlaıdy QazAqparat Bas prokýratýraǵa silteme jasap.
Qamqorshynyń tarapynan (bala ortalyǵy) alıment óndirý boıynsha shara qabyldamaý faktileri anyqtaldy.
Bas-aıaǵy 30 mln teńge bolatyn alıment tólemeýdiń 14 faktisi anyqtaldy.
Onyń 5 faktisi boıynsha prokýratýra bastamasymen QR QK 139 baby boıynsha sotqa deıingi tergeý bastaldy.
Búgingi kúni 2 boryshker sottaldy.
Bul jumys oń nátıje berip keledi. Qazirgi kezde 1 mln teńgeden astam alıment bereshegi óteldi.
Qadaǵalaý aktisi negizinde bala ortalyǵynyń basshylyǵy jaýapkershilikke tartyldy.
