Abaı oblysynda azyq-túlik baǵasynyń qymbattaýyna jol bermes úshin 152 monıtorıngtik top quryldy
Oblys ákimdigi baspasóz qyzmetiniń málimetine súıensek, óńir boıynsha azyq-túlik baǵasyn baqylaý maqsatynda 152 monıtorıngtik top quryldy.
«Osyndaı top músheleri áleýmettik mańyzy bar azyq-túlik baǵasyn bir deńgeıde ustap turý úshin úı janyndaǵy dúkenderdi, bazarlar men iri sýpermarketterdi baqylap, kásipkerlerge túsindirý jumystaryn júrgizýde. 2023 jyldyń basynan beri oblystyń barlyq qala, aýdanynda 112 aýylsharýashylyq jármeńkesi ótkizildi. Baǵany ustap turý boıynsha 1 260 memorandýmǵa qol qoıylyp, onda saýda oryndarynyń ıeleri eń tómengi saýda ústemesin 10%-dan asyrmaýǵa mindetteme aldy», - deıdi Abaı oblysynyń Kásipkerlik jáne ındýstrıaldy-ınnovatsııalyq damý basqarmasynyń basshysy Rústem Voroshılov.
Onyń aıtýynsha, azyq-túlik taýarlaryna baǵa belgileýdiń búkil tizbegi boıynsha deldaldyq shemalardy tergeý jónindegi komıssııa da qurylǵan. Jyl basynan beri onyń 10 otyrysy ótip, kásipkerler tarapynan 8 buzýshylyq anyqtaldy. Onyń ishinde beseýi – Semeı qalasynda.