Abaı oblysynda Áýezovtyń 125 jyldyǵyna oraı «Eńlik-Kebek» eskertkishi ashylady

SEMEI. QazAqparat – Abaı oblysynda Muhtar Áýezovtyń 125 jyldyǵyna oraı «Eńlik-Kebek» eskertkishi ashylady, dep habarlaıdy QazAqparat tilshisi.

Bıyl zańǵar jazýshy Muhtar Áýezovtyń 125 jyldyǵy. Qazaq qarasóziniń has sheberiniń qurmetine Abaı oblysynda birqatar shara ótkiziledi dep josparlanýda. Sonyń biri – Abaı aýdanyndaǵy «Eńlik-Kebek» eskertkishiniń ashylýy bolmaq.

«Muhtar Áýezovtyń 125 jyldyǵy aıasynda oblys ákimi Nurlan Uranhaevtyń tapsyrmasyna sáıkes, Abaı aýdanynyń aýmaǵynda ornalasqan «Eńlik-Kebek» kesenesine jóndeý jumystary júrgizilýde. Jumystar tamyz aıynyń aıaǵynda bastaldy. Sonymen qatar qos ǵashyqqa arnalǵan eskertkish ornatylady. Jumystar osy jyldyń qyrkúıek aıynyń sońynda aıaqtalady», - dep habarlady oblys ákimdiginiń baspasóz qyzmeti.

Aıta keteıik, Muhtar Áýezov tragedııa janryndaǵy «Eńlik-Kebek» pesasyn 1922 jyly jazǵan.