Abaı oblysynda aýa raıyna baılanysty barlyq jol jabyldy

SEMEI. QazAqparat – Abaı oblysynda búgin keshki saǵat 19.00-den bastap oblystyq mańyzy bar avtomobıl joldarynyń barlyq ýchaskesine shekteý engizildi, dep habarlaıdy QazAqparat.

«Saǵat 19.00-den bastap aýa temperatýrasynyń mınýs 30 S gradýstan tómen túsýine jáne jol qozǵalysy qaýipsizdigine qaýip tóndirýine baılanysty oblystyq mańyzy bar avtomobıl joldarynyń barlyq ýchaskeleri boıynsha jeńil, qoǵamdyq jáne tirkemesi men jartylaı tirkemesi bar júk kólikteri úshin, sondaı-aq dızeldik qozǵaltqyshtarmen jabdyqtalǵan avtomobılder úshin qozǵalysqa ýaqytsha shekteý engiziledi», - delingen habarlamada.