Abaı oblysynda Alakólge jolaýshylar tasymaly uıymdastyrylady

ABAI. QazAqparat – Abaı oblysynda jazǵy kezeńde Alakól kóline jolaýshylar tasymaly uıymdastyrylady. Bul týraly óńir ákimdiginiń baspasóz qyzmetinen málim etti, dep habarlaıdy QazAqparat.

Oblys ákiminiń orynbasary Dımıtrıı Garıkov keńeıtilgen keńes barysynda málim etkendeı, qazir Úrjar aýdanynyń Alakól kóliniń jaǵalaýynda sý burý kanalyn salý úshin jerlerdi qurǵatý jumystary júrgizilip jatyr.

Kól jaǵalaýyn elektrmen jabdyqtaý máselesi de sheshilýde. Saraptama qorytyndysy alyndy. Jobalardy iske asyrý jaǵy qarastyrylyp jatyr.

Jazǵy kezeńde Alakól kóline jolaýshylar tasymaly uıymdastyrylady: buǵan deıingideı jelide 4 avtobýs bolady. Sondaı-aq «Semeı-Jalańashkól» stantsııasy temirjol marshrýtyna qyzmet kórsetýge tender ótkizildi. Onyń jeńimpazy «Jolaýshylar tasymaly» AQ bolyp aıqyndaldy. Bıyl quramyna 5 vagon engen poıyz aptasyna 3 ret qatynaıdy.

Buǵan deıin habarlaǵanymyzdaı, Abaı oblysynda Alakól kólin damytý boıynsha jol kartasy jasaldy. Oǵan 40-qa jýyq shara endi.