Abaı oblysynda ákimdik qyzmetkerleri kásipkerlerdi saýda ornynan zańsyz shyǵarmaq bolǵan
Abaı oblysy boıynsha Sybaılas jemqorlyqqa qarsy qyzmet ókilderi taratqan málimetke súıensek, Semeıde kásipkerler jergilikti atqarýshy organdardyń zańsyz áreketterine shaǵym túsirgen.
«Qalalyq Jolaýshylar kóligi jáne avtomobıl joldary bóliminiń qyzmetkerleri jerasty jaıaý júrginshiler ótkelderinde josparlanǵan jóndeý jumystaryna baılanysty jeke kásipkerlerge sol mańdaǵy jalǵa berilgen oryndardy bosatý qajettiligi týraly habarlama joldaǵan. Alaıda kásipkerler men Semeı qalasynyń Ekonomıka jáne qarjy bólimi arasynda oryndardy jaldaý sharttary 2025 jyldyń sońyna deıin jasalǵany anyqtaldy. Jolaýshylar kóligi jáne avtomobıl joldary bóliminiń kelisimshartqa qatysy bolmaǵandyqtan bul protseske aralaspaýy qajet bolǵan», - delingen aqparatta.
Soǵan qaramastan atalǵan bólim basshysy jalǵa alýshylarǵa habarlama jiberip, óziniń laýazymdyq ókilettikterin asyra paıdalanyp kásipkerlik qyzmetke aralasqan.
«Qazirgi ýaqytta osy másele boıynsha taraptarmen kezdesýler uıymdastyrylyp, memlekettik mekemege tıisti usynystar joldandy. Nátıjesinde Jolaýshylar kóligi jáne avtomobıl joldary bólimi joldaǵan habarlamalardy keri qaıtaryp, kásipkerler óz jumystaryn jalǵastyrý múmkindigine ıe boldy», - delingen habarlamada.
