Abaı oblysynda 99 jastaǵy tyl ardageri daýys berdi
Qazynaly qarııa 1924 jyly burynǵy Abyraly aýdanynda dúnıege kelgen. Qaınar orta mektebin aıaqtaǵan soń, qarjy salasynnyń mamany boldy. Osy salady 1942-1981 jyl aralyǵynda Abaı aýdanynda bank bóliminiń esepshisi, bas esepshi jáne basqa da jaýapty qyzmetter atqardy. El alǵysyna bólinip, «Ebek erligi», «Eńbek ardageri» jáne basqa da joǵary marapattar aldy. Ómir boıy jumystan bólek qoǵamdyq jumystarǵa da belsendi qatysqan Kúlpash Jaqypqyzy bugingi saılaýdan da qalys qalmady.
- Elimizde saılaý bolyp jatyr degendi estip otyrmyn. Elimiz damyp, halyqtyń turmysy jaqsara tússe eken deımin. Prezıdent aıtyp jatyr ǵoı jańa damý bolady dep. Soǵan bárimiz qoldaý kórsetip, kómektesýimiz kerek. Elimizde bereke birlik bolsyn, soǵys bolmasyn. Balalar jastar aman bolsyn. Saılaýǵa bári qatysyp,eldiń damýyna óz úlesterin qosa bersin,- deıdi Kúlpash Jaqypqyzy.
